വടക്കഞ്ചേരി: പാമ്പുകടിയേറ്റ് ചികിത്സയിലിരുന്ന തൊഴിലുറപ്പ് തൊഴിലാളി മരിച്ചു. കണ്ണമ്പ്ര നടത്തിപ്പാറ ഭഗവതി പറമ്പ് വീട്ടിൽ ഓമന (61) ആണ് മരിച്ചത്. ശനിയാഴ്ച പകൽ മൂന്നിന് നടത്തിപ്പാറയിൽ തൊഴിലുറപ്പ് ജോലിക്കിടെ അണലി കടിക്കുകയായിരുന്നു. തൃശൂരിലെ സ്വകാര്യ ആശുപത്രിയിൽ ചികിത്സയിലിരിക്കെ ചൊവ്വാഴ്ച രാവിലെയാണ് മരിച്ചത്. ഭർത്താവ്: സ്വാമിനാഥൻ. മക്കൾ: മുകേഷ്, രജിത. മരുമക്കൾ: രതീഷ്, ജന്നിഫർ. സഹോദരൻ: പങ്കുണ്ണി.
