മട്ടാഞ്ചേരി: റോഡരികിൽ യുവാവിനെ മരിച്ചനിലയിൽ കണ്ടെത്തി. ഫോർട്ട്കൊച്ചി ബീച്ച് റോഡിൽ താമസിക്കുന്ന പവിഴാന്‍റെ മകൻ ദിലീഷാണ് (34) മരിച്ചത്. കരുവേലിപ്പടി ആർ.കെ പിള്ള റോഡിൽ പാർക്ക് ചെയ്തിരുന്ന ഓട്ടോറിക്ഷക്ക് സമീപം ദിലീഷിനെ മരിച്ചനിലയിൽ കാണുകയായിരുന്നു. ദിലീഷിന്‍റെ ബൈക്കും സമീപത്തുണ്ടായിരുന്നു. അതേസമയം, ദിലീഷ് അസുഖ ബാധിതനായിരുന്നുവെന്നാണ് പൊലീസ് പറയുന്നത്. മൃതദേഹം പോസ്റ്റ്മോർട്ടത്തിന് ജനറൽ ആശുപത്രിയിലേക്ക് മാറ്റി. അവിവാഹിതനാണ്.
