മാവേലിക്കര: മീനുമായി വന്ന കണ്ടെയ്നർ ലോറി സ്കൂട്ടറിൽ ഇടിച്ച് ഒരാൾ മരിച്ചു. വെട്ടിയാർ മാങ്കാംകുഴി താജ് മൻസിലിൽ അൻസാരിയാണ് (വിമുക്ത ഭടൻ -55) മരിച്ചത്. ശനിയാഴ്ച രാവിലെ 6.30ഓടെ കൊച്ചാലുംമൂട് ജങ്ഷന് സമീപമായിരുന്നു സംഭവം. കുന്നത്തെ സ്വകാര്യ സ്ഥാപനത്തിൽ സുരക്ഷാ ജീവനക്കാരനാണ്. ജോലി കഴിഞ്ഞ് വീട്ടിലേക്ക് വരുമ്പോഴായിരുന്നു അപകടം. തലക്ക് ഗുരുതര പരിക്കേറ്റ് തൽക്ഷണം മരിച്ചു. സ്കൂട്ടറിൽ ഇടിച്ചശേഷം നിയന്ത്രണം വിട്ട ലോറി സമീപത്തെ വീടിന്‍റെ മതിലും ഇടിച്ചുതകർത്തു. ലോറിയുടെ അമിതവേഗമാണ് അപകടത്തിന് കാരണമായതെന്ന് പ്രദേശവാസികൾ പറഞ്ഞു. ഭാര്യ: സജീല. മക്കൾ: ഡോ. ആഷിദ, അമിഗ. മരുമകൻ: അസീസ്.
