പട്ടിക്കാട്: തമിഴ്നാട്ടിൽനിന്ന് സുഹൃത്തിനൊപ്പം വിനോദയാത്ര വന്ന വിദ്യാർഥി ബൈക്കിന് പിറകിൽനിന്ന് വീണ് മരിച്ചു. തമിഴ്നാട് നാഗപട്ടണം സ്വദേശി മുഹമ്മദ് റഫീഖിന്റെ മകൻ മുഹമ്മദ് യാസർ അറഫാത്ത് (22) ആണ് മരിച്ചത്. ബി.കോം വിദ്യാർഥിയാണ്. ഞായറാഴ്ച രാവിലെ പട്ടിക്കാട് ഭാരത് പെട്രോൾ പമ്പിന് സമീപമായിരുന്നു അപകടം. ബൈക്കിൽനിന്ന് ഉറങ്ങി വീണതാണെന്ന് കരുതുന്നു. ഗുരുതര പരിക്കേറ്റ വിദ്യാർഥിയെ ഉടനെ ജില്ല ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സുഹൃത്ത് മുഹമ്മദ് ഫർഹാസുദ്ദീൻ ആണ് ബൈക്ക് ഓടിച്ചിരുന്നത്. ഇരുവരും നാഗപട്ടണത്തുനിന്ന് കൊച്ചിയിലേക്ക് വിനോദയാത്ര വന്നതായിരുന്നു.