ചേർത്തല: പതിനൊന്നാം മൈലിന് സമീപം കാറും ബൈക്കും കൂട്ടിയിടിച്ച് ബൈക്ക് യാത്രക്കാരൻ മരിച്ചു. ചേർത്തല അന്ധകാരനഴി ലക്ഷംവീട് പ്രസാദിന്‍റെ മകൻ വിഷ്ണു പ്രസാദാണ് (26) മരിച്ചത്. തിങ്കളാഴ്ച അർധരാത്രി വിഷ്ണു സഞ്ചരിച്ച ബൈക്ക് കാറുമായി കൂട്ടിയിടിക്കുകയായിരുന്നു. ഗുരുതര പരിക്കേറ്റ വിഷ്ണുവിനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കാർ ഡ്രൈവർക്കും പരിക്കേറ്റു. വിഷ്ണു പൂങ്കുടി മോട്ടേഴ്സ് ജീവനക്കാരനാണ്. ബിബിതയാണ് ഭാര്യ. മൃതദേഹം പോസ്റ്റ്മോർട്ടത്തിനുശേഷം വീട്ടുവളപ്പിൽ സംസ്കരിച്ചു.
