കൊച്ചി: പാലാരിവട്ടം ചക്കരപ്പറമ്പിലെ ലോഡ്ജ് മുറിയിൽ ട്രാൻസ്ജെൻഡർ മോഡലിനെ തൂങ്ങി മരിച്ച നിലയിൽ കണ്ടെത്തി. ആലപ്പുഴ കാവാലം സ്വദേശി ഷെറിൻ സെലിൻ മാത്യുവാണ് (27) മരിച്ചത്. പാലാരിവട്ടം പൊലീസ് എത്തി മേൽനടപടികൾ സ്വീകരിച്ചു. അസ്വാഭാവിക മരണത്തിന് കേസെടുത്ത് അന്വേഷണം നടത്തും. ഇൻക്വസ്റ്റ് പൂർത്തിയാക്കി മൃതദേഹം എറണാകുളം ഗവ. മെഡിക്കൽ കോളജിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. അഞ്ച് വർഷമായി ഷെറിൻ പാലാരിവട്ടം, തമ്മനം ഭാഗങ്ങളിൽ താമസിച്ചു വരുകയായിരുന്നു. ഷെറിന്‍റെ സുഹൃത്തിനെക്കുറിച്ച് അന്വേഷണം ആരംഭിച്ചിട്ടുണ്ടെന്ന് പൊലീസ് പറഞ്ഞു.
