പൂച്ചാക്കൽ: ചേർത്തല - അരൂക്കുറ്റി റോഡിൽ ഒറ്റപ്പുന്ന ജങ്ഷനിലുണ്ടായ ബൈക്ക് അപകടത്തിൽ ഓട്ടോഡ്രൈവർ മരിച്ചു. പള്ളിപ്പുറം പഞ്ചായത്ത് 16ാം വാർഡ് പങ്ങപറമ്പ് വെളി ശശിധര പണിക്കറാണ് (68) മരിച്ചത്. വ്യാഴാഴ്ച രാത്രി പത്ത് മണിയോടെയാണ് അപകടം. ഓട്ടോ പാർക്ക് ചെയ്തശേഷം റോഡ് വക്കിൽ നിൽക്കുമ്പോൾ എതിരെ വന്ന ബൈക്ക് ഇടിച്ച് തെറിപ്പിക്കുകയായിരുവെന്നാണ് വിവരം.
ഉടനെ ചേർത്തല താലൂക്ക് ആശുപത്രിയിലും പിന്നീട് വണ്ടാനം മെഡിക്കൽ കോളജ് ആശുപത്രിയിലുമെത്തിച്ചെങ്കിലും മരിച്ചു. ഭാര്യ: കോമളവല്ലി. മക്കൾ: ശ്രീക്കുട്ടൻ, ശ്രീസൗമ്യ. മരുമക്കൾ: ജ്യോതി, സജീവൻ.
