ചാലക്കുടി: റോഡ് മുറിച്ചു കടക്കുന്നതിനിടെ തട്ടുകടക്കാരൻ വാഹനമിടിച്ച് മരിച്ചു. മേലൂർ കൂവ്വക്കാട്ട്കുന്ന് പിണ്ടിയേടത്ത് വീട്ടിൽ ഭാസ്കരന്‍റെ മകൻ ശിവദാസൻ (56) ആണ് മരിച്ചത്. മെയിൻ റോഡിൽ കല്ലേലി ബാറിന് സമീപം വെള്ളിയാഴ്ച രാത്രി 8.45ഓടെയാണ് അപകടം. ഇടിച്ച വാഹനം നിർത്താതെ പോയി. പരിക്കേറ്റ ഇദ്ദേഹത്തെ ചാലക്കുടിയിലെ സ്വകാര്യ ആശുപത്രിയിലും പിന്നീട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ശനിയാഴ്ച 11.30ഓടെയാണ് മരിച്ചത്.
