ആലപ്പുഴ: നിയന്ത്രണംവിട്ട ബൈക്ക് തെന്നിമറിഞ്ഞ് യുവാവിന് ദാരുണാന്ത്യം. ഒരാൾക്ക് ഗുരുതര പരിക്കേറ്റു. ഉനൈസാണ് (20) മരിച്ചത്. ഞായറാഴ്ച രാത്രി 10.30ന് തലവടി കൊറ്റംകുളങ്ങര റോഡിൽ ആര്യാട് പള്ളിമുക്കിന് സമീപമായിരുന്നു അപകടം. വേഗത്തിൽ വന്ന ബൈക്ക് റോഡരികിൽ കിടന്ന കല്ലിൽ തട്ടി തെന്നിമറിയുകയായിരുന്നു. അപകടത്തിൽപെട്ടവരെ പ്രദേശവാസികൾ ജനറൽ ആശുപത്രിയിൽ എത്തിച്ചെങ്കിലും ഉനൈസ് മരിച്ചു. ഒപ്പമുണ്ടായിരുന്നയാൾ ഗുരുതരാവസ്ഥയിലാണ്. ഇയാളുടെ വിവരങ്ങൾ പൊലീസ് ശേഖരിച്ചുവരുകയാണ്.
