പെരുമ്പാവൂർ: ബൈക്ക് പെരിയാർവാലി കനാലിലേക്ക് മറിഞ്ഞ് യുവാവ് മരിച്ചു. കിഴക്കേ ഐമുറി വാഴപ്പിള്ളി വീട്ടിൽ രാധാകൃഷ്ണന്റെ മകൻ അരുണാണ്(25) മരിച്ചത്. ഞായറാഴ്ച രാത്രിയാണ് അപകടമുണ്ടായത്.
തിങ്കളാഴ്ച പുലർച്ച നടക്കാനിറങ്ങിയവരാണ് മൃതദേഹവും തൊട്ടടുത്തായി ബൈക്കും കനാലിൽ കണ്ടെത്തിയത്. വാഴക്കുളത്ത് മേച്ചിൽ ഷീറ്റ് നിർമാണക്കമ്പനിയിലെ ലോറി ഡ്രൈവറാണ് അരുൺ. പെരുമ്പാവൂരിൽനിന്ന് വെങ്ങോലവഴി വാഴക്കുളത്തേക്ക് പോകുമ്പോഴായിരുന്നു അപകടം. അവിവാഹിതനാണ്. മാതാവ്: ബിന്ദു. സഹോദരൻ അശ്വിൻ.
