മാരാരിക്കുളം: മറ്റ് പൂച്ചകളിൽനിന്ന് വളർത്തുപൂച്ചയെ രക്ഷിക്കാൻ ശ്രമിക്കുന്നതിനിടെ വീടിന്‍റെ ടെറസിൽനിന്ന് താഴെവീണ് പരിക്കേറ്റ് ചികിത്സയിലായിരുന്ന ഓട്ടോ ഡ്രൈവർ മരിച്ചു. മാരാരിക്കുളം തെക്ക് പഞ്ചായത്ത് ആറാംവാർഡ്‌ തകിടി വെളിയിൽ സാജുവാണ് (52) മരിച്ചത്. കലവൂർ ജങ്ഷനിലെ ഓട്ടോ ടാക്സി ഡ്രൈവറാണ്. കഴിഞ്ഞ തിങ്കളാഴ്ച രാത്രിയായിരുന്നു അപകടം. സാജു വളർത്തുന്ന പൂച്ചയെ ആക്രമിച്ച മറ്റ് പൂച്ചകളെ ഓടിക്കാൻ ടെറസിൽ കയറിയതാണ്. ചവിട്ടിയ സ്ലാബിൽനിന്ന് തെന്നി താഴെ തലയിടിച്ചുവീണു. ആലപ്പുഴ മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ബുധനാഴ്ച വൈകീട്ട് മരിച്ചു. പരിശോധനയിൽ സാജുവിന് കോവിഡും സ്ഥിരീകരിച്ചു. ഭാര്യ: ദീപ.
