അത്താണി: ദേശീയപാത നെടുമ്പാശ്ശേരി അത്താണി അസീസി കവലയിൽ അജ്ഞാത വാഹനമിടിച്ച് ബൈക്ക് യാത്രികനായ യുവാവ് മരിച്ചു. ഇടിച്ച വാഹനം നിർത്താതെ പോയി. ആലുവ കരുമാല്ലൂർ ഗൗരീശങ്കരത്തിൽ വീട്ടിൽ ശശിധരൻ നായരുടെ (പൂപ്പാറ കല്ലുറുമ്പിൽ) മകൻ സിബികുമാറാണ് (42) മരിച്ചത്. വെൽസോ ഫാർമസ്യൂട്ടിക്കൽസ് ജീവനക്കാരനാണ്. ബുധനാഴ്ച പുലർച്ചയായിരുന്നു അപകടം. ബൈക്കിനെ ഇടിച്ചുതെറിപ്പിച്ച് നിർത്താതെ പോയ വാഹനത്തിനായി നെടുമ്പാശ്ശേരി പൊലീസ് അന്വേഷണം തുടങ്ങി. മാതാവ്: കട്ടപ്പന മറ്റത്തിൽ കുടുംബാംഗം തങ്കമണി. ഭാര്യ: കലാമണ്ഡലം രേവതി വി. നായർ. മക്കൾ: നിരഞ്ജൻ, ദേവനന്ദ. സംസ്കാരം വ്യാഴാഴ്ച 10ന് വീട്ടുവളപ്പിൽ.
