മുടക്കുഴ: ചുണ്ടക്കുഴി സപ്ലൈകോ ഗോഡൗണിനോട് ചേർന്നുള്ള പാറമടയിൽ മധ്യവയസ്കനെ മരിച്ച നിലയിൽ കണ്ടെത്തി. മുടക്കുഴ പോസ്റ്റ് ഓഫിസ് ജങ്ഷനിൽ താമസിക്കുന്ന പറമ്പിവീട്ടിൽ ശിവനെയാണ് (58) ദുരൂഹ സാഹചര്യത്തിൽ മരിച്ചനിലയിൽ കാണപ്പെട്ടത്. വ്യാഴാഴ്ച രാവിലെ എട്ടിന് നാട്ടുകാരാണ് മൃതദേഹം കണ്ടത്. പെരുമ്പാവൂർ അഗ്നിരക്ഷാസേനയും കോടനാട് പൊലീസും ചേർന്നാണ് മൃതദേഹം പാറമടയിൽനിന്ന് പുറത്തെടുത്തത്. ഭാര്യ: കോമളം. മകൻ: വിമൽ. മൃതദേഹം പോസ്റ്റ്മോർട്ടത്തിനായി കളമശ്ശേരി മെഡിക്കൽ കോളജ് ആശുപത്രിയിലേക്ക് മാറ്റി.
