കയ്പമംഗലം: പെരിഞ്ഞനത്ത് വീട്ടമ്മയെ കുളത്തിൽ വീണ് മരിച്ച നിലയിൽ കണ്ടെത്തി. പെരിഞ്ഞനം വെസ്റ്റ് എ.ടി.ആർ ബേക്കറിക്ക് സമീപം വലിയപറമ്പിൽ സുധാകരന്റെ ഭാര്യ രമയാണ് (58) മരിച്ചത്. വ്യാഴാഴ്ച രാവിലെ ഏഴരയോടെയാണ് തൊട്ടടുത്ത പറമ്പിലെ കുളത്തിൽ വീണുകിടക്കുന്നത് വീട്ടുകാർ കണ്ടത്. ഉടനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കയ്പമംഗലം പൊലീസ് മേൽനടപടികൾ സ്വീകരിച്ചു.
