കോട്ടയം: ചാന്നാനിക്കാടിന് സമീപം റെയിൽവേ ട്രാക്കിൽ യുവാവിനെ മരിച്ച നിലയിൽ കണ്ടെത്തി. ഇടുക്കി തൂക്കുപാലം കല്ലാർ ബ്ലോക്ക് നമ്പർ 433ൽ സദാശിവൻ പിള്ളയുടെ മകൻ അടൂരിൽ വാടകക്ക് താമസിക്കുന്ന എ.സി. അജികുമാറാണ് (43) മരിച്ചത്. ട്രെയിനിൽനിന്ന് വീണ് മരിച്ചതാണെന്നാണ് സംശയം. വ്യാഴാഴ്ച പുലർച്ചയാണ് മൃതദേഹം റെയിൽവേ ട്രാക്കിന് സമീപം കണ്ടെത്തിയത്. അങ്കമാലി അപ്പോളോ ടയേഴ്‌സിലെ സെക്യൂരിറ്റി ജീവനക്കാരനായ അജി കുമാർ ജോലി കഴിഞ്ഞ് അടൂരിലെ വീട്ടിലേക്ക് വ്യാഴാഴ്ച രാത്രി വരുന്നതിനിടെയാണ് അപകടമെന്ന് കരുതുന്നു.
