കായംകുളം: കെ.പി റോഡിൽ കുറ്റിത്തെരുവ് ജങ്ഷന് സമീപം സ്വകാര്യ ബസ് പെട്ടിഓട്ടോറിക്ഷയിൽ ഇടിച്ച് ഒരാൾ മരിച്ചു. ഓട്ടോ ഡ്രൈവറായ ചേരാവള്ളി നസീം മൻസിൽ നൗഷാദാണ് (50) മരിച്ചത്. ഓവർ ടേക്കിങ്ങിന് ശ്രമിച്ച കെ.സി.ടി ബസ് ഓട്ടോറിക്ഷയുടെ പിന്നിലിടിച്ചായിരുന്നു അപകടം. സാരമായി പരിക്കേറ്റ നൗഷാദിനെ ഉടൻ കായംകുളം ഗവ. ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
വെള്ളിയാഴ്ച വൈകീട്ട് മൂന്നോടെയാണ് സംഭവം. കച്ചവടത്തിനായി മത്സ്യവുമായി വരുകയായിരുന്നു നൗഷാദ്. മൃതദേഹം കറ്റാനത്തെ സ്വകാര്യ ആശുപത്രി മോർച്ചറിയിൽ. ഭാര്യ: ഷീജ. മക്കൾ: നസീം, ഷാഹിന. ഖബറടക്കം ശനിയാഴ്ച ഉച്ചക്ക് 12ന് ചേരാവള്ളി ജുമാമസ്ജിദ് ഖബർസ്ഥാനിൽ.
