പൂച്ചാക്കൽ: കൂട്ടുകാരുമൊത്ത് കുളിക്കാനിറങ്ങിയ പത്താംക്ലാസ് വിദ്യാർഥി കുളത്തിൽ മുങ്ങിമരിച്ചു. തൈക്കാട്ടുശ്ശേരി പഞ്ചായത്ത് 11ാം വാർഡ് വളവനാട്ട്ചിറ ജോസ് കുട്ടിയുടെ മകൻ അലൻ ജോസാണ് (15) മരിച്ചത്. പള്ളിപ്പുറം പഞ്ചായത്ത് മൂന്നാം വാർഡ് കളത്തിൽ അമ്പലത്തിന് വടക്കുഭാഗത്തെ ആറാട്ടുകുളത്തിൽ കുളിക്കാനിറങ്ങിയതായിരുന്നു. ശനിയാഴ്ച ഉച്ചക്ക് ഒരു മണിയോടെയാണ് സംഭവം.
