പത്തിരിപ്പാല: അതിർകാട് സദനം കൊന്നത്ത് അജിത് പ്രസാദിന്റെ മകൾ മീനാക്ഷിയെ (17) വീട്ടിൽ തൂങ്ങി മരിച്ച നിലയിൽ കണ്ടെത്തി. കഴിഞ്ഞദിവസം വൈകീട്ടാണ് സംഭവം. കുളിക്കാനായി അകത്തുകയറിയ മീനാക്ഷിയെ ഏറെയായിട്ടും കാണാത്തതിനെ തുടർന്ന് നോക്കിയപ്പോഴാണ് തൂങ്ങിയതായി കണ്ടത്. ഉടൻ വാണിയംകുളം സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പത്തിരിപ്പാല ഗവ. ഹയർ സെക്കൻഡറി സ്കൂളിലെ കമ്പൂട്ടർ സയൻസ് വിദ്യാർഥിനിയാണ്. മാതാവ്: ലക്ഷ്മി. സഹോദരൻ: മാധവ്. മങ്കര പൊലീസ് ഇൻക്വസ്റ്റ് നടത്തി.
