ചെറുതോണി: നിയന്ത്രണം വിട്ട ഓട്ടോറിക്ഷ ഇടിച്ച് ഗുരുതര പരിക്കേറ്റ് ചികിത്സയിലിരുന്ന ഗൃഹനാഥൻ മരിച്ചു. ചെറുതോണി ഗാന്ധിനഗർ സ്വദേശി പുതുപറമ്പിൽ സുകുമാരനാണ് (65) കോട്ടയം മെഡിക്കൽ കോളജ് ആശുപത്രിയിൽ ചികിത്സയിലിരിക്കേ മരിച്ചത്. കഴിഞ്ഞ ചൊവ്വാഴ്ച ചെറുതോണി പാലത്തിൽവെച്ചാണ് സംഭവം. വൈകീട്ട് എട്ടിന് ചെറുതോണി ടൗണിൽനിന്ന് വീട്ടിലേക്ക് നടന്നുപോകുകയായിരുന്ന സുകുമാരനെ ഓട്ടോ ഇടിക്കുകയായിരുന്നു. തലക്ക് ഗുരുതര പരിക്കേറ്റ സുകുമാരനെ ഇടുക്കി മെഡിക്കൽ കോളജ് ആശുപത്രിയിലും തുടർന്ന് വിദഗ്ധ ചികിത്സക്ക് കോട്ടയം മെഡിക്കൽ കോളജിലും പ്രവേശിപ്പിക്കുകയായിരുന്നു. ഭാര്യ: പരേതയായ രാധ. മക്കൾ: സൂര്യ, ആര്യ. മരുമക്കൾ: രഞ്ജിത്, ചന്ദ്രകാന്ത്.
