മാറഞ്ചേരി: കൂട്ടുകാരുമൊത്ത് മാറഞ്ചേരി പരിച്ചകത്ത് പറയങ്കുളത്തിൽ കുളിക്കുന്നതിനിടെ വിദ്യാർഥി മുങ്ങി മരിച്ചു. വെളിയങ്കോട് അയ്യോട്ടിച്ചിറ ഗ്രാമം സ്വദേശി കണ്ണാത്ത് മുസ്തഫയുടെ മകൻ മുഹമ്മദ് ഷെഫിൽ (17) ആണ് മരിച്ചത്. കുളത്തിൽ കുളിക്കുന്നതിനിടെ ഷെഫിലിനെ കാണാതാകുകയായിരുന്നു. തുടർന്ന് നടത്തിയ തിരച്ചിലിലാണ് മൃതദേഹം കുളത്തിൽ കണ്ടെടുത്തത്. വെളിയങ്കോട് ഗവ. ഹയർസെക്കൻഡറി സ്കൂളിലെ പ്ലസ് ടു വിദ്യാർഥിയാണ്. മാതാവ്: ഷക്കീല. സഹോദരൻ: ഷഹൽ.
