തൊടുപുഴ: നിയന്ത്രണംവിട്ട ബൈക്ക് മറിഞ്ഞ് പരിക്കേറ്റ് ചികിത്സയിലിരുന്ന യുവാവ് മരിച്ചു. വെങ്ങല്ലൂർ ഇടത്തിപ്പറമ്പിൽ ഷാഹുലിന്റെ മകൻ ആഷിഖാണ് (21) മരിച്ചത്. വ്യാഴാഴ്ച രാത്രി 11ഓടെ വെങ്ങല്ലൂർ-കുമാരമംഗലം റോഡിലെ പ്ലാവിൻചുവടിന് സമീപം നിയന്ത്രണംവിട്ട ബൈക്ക് വീടിന്റെ ഗേറ്റിലേക്ക് ഇടിച്ചു കയറിയായിരുന്നു അപകടം. ഒപ്പമുണ്ടായിരുന്ന തഴുവംകുന്ന് സ്വദേശി അമൽ പരിക്കേറ്റ് ചികിത്സയിലാണ്. മാതാവ്: സജിത. സഹോദരൻ: ഹാഷിം.
