കല്ലടിക്കോട്: ജയ്പൂർ-ഡൽഹി എക്‌സ്പ്രസ് ഹൈവേയിൽ മാൻപുര മച്ചാഡിക്കടുത്ത് ബിലാഞ്ചി കൾവർട്ടിന് സമീപം ശനിയാഴ്ച വൈകീട്ടുണ്ടായ വാഹനാപകടത്തിൽ മലയാളി ജവാൻ മരിച്ചു. കല്ലടിക്കോട് കാഞ്ഞിക്കുളം ചെറുകടവിൽ സി.ജെ. ചാൾസാണ് (29) മരിച്ചത്. ജവാന്മാരെ ദൗലത്പുര പൊലീസ് സ്‌റ്റേഷനിലെ ബിലോഞ്ചി കൾവർട്ടിന് സമീപം ശനിയാഴ്ച വൈകീട്ട് അജ്ഞാതവാഹനം ഇടിക്കുകയായിരുന്നു.പരിക്കേറ്റ സി.ജെ. ചാൾസ് ചികിത്സയിലിരിക്കെ മരിച്ചു. പരിക്കേറ്റ ഇൻഡോർ സ്വദേശി ജിതേന്ദ്ര പാട്ടീൽ കൻവാതിയ ആശുപത്രിയിൽ ചികിത്സയിലാണ്. മരിച്ച സൈനികന്‍റെ മൃതദേഹം തിങ്കളാഴ്ച രാവിലെ 11ന് കാഞ്ഞിക്കുളത്തെ വീട്ടിലെത്തിക്കും. പിതാവ്: ജോസഫ്. മാതാവ്: ഷാന്‍റി ജോസഫ്. ഭാര്യ: പ്രസില്ല ചാൾസ്. മകൾ: ഇവാനിയ ചാൾസ്. സഹോദരങ്ങൾ: നാൻസി വിനു, വിനീത ജോമിറ്റ്. സംസ്കാരം ധോണി സെമിത്തേരിയിൽ.
