കൊരട്ടി: ദേശീയപാത ജെ.ടി.എസ് ജങ്ഷനിൽ കാറും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. കൊരട്ടി അറാംതുരുത്ത് പടിഞ്ഞാർക്കര തോമസിന്‍റെ മകൻ ഷൈജു (44) ആണ് മരിച്ചത്. ഞായറാഴ്ച ഉച്ചക്ക് 12.30ഓടെയായിരുന്നു സംഭവം. ഗുരുതര പരിക്കേറ്റ ഷൈജുവിനെ ഉടൻ കറുകുറ്റിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഷൈജു അടുത്ത ആഴ്ച വിദേശത്തേക്ക് പോകാനിരിക്കുകയായിരുന്നു. ഭാര്യ: നിലമ്പൂർ നെല്ലുവേലി കുടുംബാംഗം ഡെൻസി (സൗദി). സംസ്കാരം തിങ്കളാഴ്ച വൈകീട്ട് അഞ്ചിന് കൊരട്ടി സെന്‍റ് മേരീസ് ഫൊറോന പള്ളി സെമിത്തേരിയിൽ.
