കോതമംഗലം: കഴിഞ്ഞ ബുധനാഴ്ച കാണാതായ യുവാവിനെ കിണറ്റിൽ മരിച്ച നിലയിൽ കണ്ടെത്തി. മാലിപ്പാറ തണ്ണിക്കോട്ട് ബിജു ജോണാണ് (46) മരിച്ചത്. വീടിന് അര കിലോമീറ്റർ അകലെ തറവാട് വീടിനുസമീപം പുരയിടത്തിലെ ചുറ്റുമതിലില്ലാത്ത കിണറ്റിലാണ് മൃതദേഹം കിടന്നത്. ദുർഗന്ധം വമിച്ചതിനെത്തുടർന്ന് നടത്തിയ പരിശോധനയിലാണ് അഴുകിയനിലയിൽ കണ്ടത്. എറണാകുളം ഗവ. മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിന് ശേഷം സംസ്കരിച്ചു. ഭാര്യ: വേങ്ങൂർ വക്കുവള്ളി പുതുശ്ശേരി ബീന. മക്കൾ: നീനു, ജിബിൻ.
