വൈപ്പിൻ: ട്രാവലർ ബൈക്കിലിടിച്ച് ബൈക്ക് യാത്രികനായ യുവാവ് മരിച്ചു. പാലക്കാട് നെല്ലിയാമ്പതി നാലാം നമ്പര്‍ പാഡി ലോബ് എസ്റ്റേറ്റില്‍ കിഷോറാണ് (22) മരിച്ചത്. വൈപ്പിന്‍ ഗോശ്രീ ജങ്ഷനില്‍ തിങ്കളാഴ്ച രാവിലെ ആറിനായിരുന്നു അപകടം. എല്‍.എന്‍.ജി റോഡില്‍നിന്ന് എത്തിയ ട്രാവലര്‍ ബൈക്കിൽ ഇടിച്ചതോടെ അതിനടിയിലേക്കു കിഷോർ തെറിച്ചു വീഴുകയായിരുന്നു.
മെഡിക്കല്‍ ട്രസ്റ്റ് ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം പാലക്കാട്ടേക്കു കൊണ്ടുപോയി.
