മൂവാറ്റുപുഴ: സ്കൂട്ടറും മിനിവാനും കൂട്ടിയിടിച്ച് കാവക്കാട് കപ്പിലാംചുവട് കോരംകുഴിയിൽ കെ.കെ. രാജേഷ് (39) മരിച്ചു. തിങ്കളാഴ്ച വൈകീട്ട് നാലോടെയാണ് അപകടം.
വാഴക്കുളം കാർമൽ സ്കൂൾ കവലക്ക് സമീപമുള്ള ബാങ്കിൽനിന്ന് ഇറങ്ങവെ രാജേഷിന്റെ സ്കൂട്ടറിൽ തൊടുപുഴ ഭാഗത്തുനിന്ന് മരുന്ന് വിതരണം ചെയ്യാൻ വരുകയായിരുന്ന മിനിവാൻ ഇടിക്കുകയായിരുന്നു. സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
മൃതദേഹം ചൊവ്വാഴ്ച പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. സംസ്കാരം പിന്നീട്. ഭാര്യ: സീമ കാരിമറ്റം കോട്ടപ്പുറത്ത് കുടുംബാംഗം. ഏകമകൻ: അശ്വിൻ.
