അടിമാലി: കൊച്ചി-ധനുഷ്കോടി ദേശീയപാതയിൽ അടിമാലി അമ്പലപ്പടിക്ക് സമീപം വാഹനാപകടത്തിൽ എൽ.ഐ.സി അടിമാലി ബ്രാഞ്ച് ഡെവലപ്മെന്‍റ് ഓഫിസർ, ചേർത്തല മാരാരിക്കുളം പുത്തൻപുരയിൽ എസ്. ശുഭകുമാർ (53) മരിച്ചു. ഇദ്ദേഹം സഞ്ചരിച്ചിരുന്ന ബൊലേറോ ജീപ്പ് നിയന്ത്രണം വിട്ട് നിർത്തിയിട്ടിരുന്ന ലോറിയിൽ ഇടിച്ചാണ് അപകടം. രാത്രി ഒമ്പതോടെ ടൗണിൽനിന്ന് ഈസ്റ്റേൺ ഫാക്ടറിക്ക് സമീപത്തെ താമസസ്ഥലത്തേക്ക് പോകും വഴിയാണ് അപകടം ഉണ്ടായത്. അടിമാലി താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം മോർച്ചറിയിൽ സൂക്ഷിച്ചിട്ടുണ്ട്. ഭാര്യ: ലത (അടിമാലി താലൂക്ക് ആശുപത്രി ലാബ് ടെക്നീഷൻ). മക്കൾ. ശ്രീശങ്കർ, ശ്രീലക്ഷ്മി.
