ചെറുതോണി: മധ്യവയസ്കനെ വഴിയിൽ മരിച്ചനിലയിൽ കണ്ടെത്തി. കല്ലേമാടം പ്ലാത്തോട്ടത്തിൽ സൂര്യനാണ് (55) മരിച്ചത്. അവിവാഹിതനായ സൂര്യൻ കല്ലേമാടത്തുള്ള ഷെഡിൽ ഒറ്റക്കാണ് താമസിച്ചിരുന്നത്. കല്ലേമാടം 56 കോളനി റോഡിൽ ചൊവ്വാഴ്ച ഉച്ചകഴിഞ്ഞ് 3.30 നാണ് മരിച്ചനിലയിൽ കണ്ടത്. മരണത്തിൽ ദുരൂഹതയില്ലെന്നും ഹൃദയാഘാതമാണ് മരണകാരണമെന്നുമാണ് പ്രാഥമിക നിഗമനം. മൃതദേഹം ഇടുക്കി മെഡിക്കൽ കോളജിലേക്ക് മാറ്റി.
