ഹരിപ്പാട്: കണ്ടെയ്നർ ലോറിയും ബൈക്കും കൂട്ടിയിടിച്ച് വിമുക്തഭടൻ മരിച്ചു. കരീലക്കുളങ്ങര പത്തിയൂർ കുറ്റിക്കാട്ട് കിഴക്കതിൽ നന്ദനത്തിൽ ഷിജിയാണ്(52) മരിച്ചത്. ദേശീയപാതയിൽ മറുതാമുക്കിന് സമീപം ചൊവ്വാഴ്ച പുലർച്ച ആറോടെയാണ് അപകടമുണ്ടായത്. എറണാകുളത്തുനിന്ന് കൊല്ലം ഭാഗത്തേക്ക് പോവുകയായിരുന്ന കണ്ടെയ്നർ ലോറി നിയന്ത്രണം തെറ്റി ഹരിപ്പാട് ഭാഗത്തേക്ക് പോകുകയായിരുന്ന ഷിജിയുടെ ബൈക്കിലേക്ക് ഇടിച്ചുകയറുകയായിരുന്നു. സംഭവസ്ഥലത്ത് വെച്ച് തന്നെ ഷിജി മരണപ്പെട്ടു. കണ്ടെയ്നർ ലോറി താഴ്ചയിലേക്കു മറിഞ്ഞു. സന്ധ്യയാണ് ഷിജിയുടെ ഭാര്യ. മകൾ: ദിയ.
