വടക്കാഞ്ചേരി: തൃശൂർ -ഷൊർണൂർ സംസ്ഥാന പാതയിലെ വാഴക്കോട് സ്വകാര്യ ബസ് ബൈക്കിലിടിച്ച് യുവാവ് മരിച്ചു. ചാലക്കുടി മേലഡൂർ കണ്ണാടിപറമ്പിൽ ദീപക് ഉണ്ണികൃഷ്ണൻ (32) ആണ് മരിച്ചത്. വാഴക്കോട് പെട്രോൾ ബങ്കിന് മുന്നിൽ ബുധനാഴ്ച ഉച്ചതിരിഞ്ഞ് മൂന്നോടെയാണ് അപകടം. തൃശൂർ ഭാഗത്തുനിന്ന് വന്നിരുന്ന ഫിദ മോൾ ബസാണ്, എതിർ വശത്തുനിന്ന് വന്നിരുന്ന ബൈക്കിൽ ഇടിച്ചത്. ബൈക്ക് യാത്രികനായ ദീപക് സംഭവസ്ഥലത്തുതന്നെ മരിച്ചു. വടക്കാഞ്ചേരി പൊലീസ് മേൽ നടപടികൾ സ്വീകരിച്ചു.
