ഗുരുവായൂര്: മാവിൻചുവടിനടുത്ത് ബൈക്കുകള് കൂട്ടിയിടിച്ച് യുവാവ് മരിച്ചു. കേച്ചേരി വെട്ടുകാട് ചൂണ്ടപുരക്കൽ വീട്ടിൽ പ്രസാദിന്റെ മകൻ അനുപമാണ് (19) മരിച്ചത്. ചാവക്കാട് ഓവുങ്ങല് മച്ചിങ്ങല് യോഗേഷ്, ഇരിങ്ങപ്പുറം കറുപ്പംവീട്ടില് ഫിജാസ് എന്നിവർക്ക് പരിക്കേറ്റു. ബുധനാഴ്ച രാത്രി ഒമ്പതരയോടെയായിരുന്നു അപകടം. ചൂണ്ടൽ ഭാഗത്തേക്ക് പോയിരുന്ന യോഗേഷും അനുപമും സഞ്ചരിച്ച ബൈക്ക്, കടയിൽ നിന്ന് സാധനങ്ങൾ വാങ്ങി ഇരിങ്ങപ്പുറത്തെ വീട്ടിലേക്ക് പോയിരുന്ന ഫിജാസിന്റെ ബൈക്കില് തട്ടുകയായിരുന്നു. അനുപം ബൈക്കിന്റെ പുറകിലിരിക്കുകയായിരുന്നു. പരിക്കേറ്റ മൂന്നുപേരെയും ആക്ട്സ് പ്രവര്ത്തകര് മുതുവട്ടൂരിലെ ആശുപത്രിയില് പ്രവേശിപ്പിച്ചു. അനുപമിന്റെ പരിക്ക് ഗുരുതരമായതിനാല് പിന്നീട് തൃശൂരിലെ ആശുപത്രിയിലേക്ക് മാറ്റിയെങ്കിലും രാത്രി 12ഓടെ മരണം സംഭവിച്ചു. പഴഞ്ഞി എം.ഡി കോളജിൽ ബിരുദ വിദ്യാർഥിയാണ് അനുപം. മാതാവ്: ഡോ. ലത. സഹോദരി: അനഘ. സംസ്കാരം വ്യാഴാഴ്ച വൈകീട്ട് അഞ്ചിന് വീട്ടുവളപ്പിൽ.