ചേർത്തല: വെട്ടക്കലിൽ സ്വകാര്യ വ്യക്തിയുടെ നിർമാണത്തിലിരുന്ന വീട്ടിൽ പ്ലംബിങ്ങിനിടെ പാരപ്പറ്റിൽനിന്ന് വീണ് റിട്ട. കെ.എസ്.ആർ.ടി.സി ഡ്രൈവർ മരിച്ചു. വയലാർ ഗ്രാമപഞ്ചായത്ത് 11 ാം വാർഡ് കളവംകോടം സി.എം.എസ് മണ്ടാംവെളി മംഗളദാസാണ് (59) മരിച്ചത്. വ്യാഴാഴ്ച ഉച്ചക്ക് 1.30നായിരുന്നു അപകടം. നിർമാണത്തിലിരുന്ന സെപ്റ്റിക് ടാങ്കിലേക്കാണ് വീണത്. തലക്കു ഗുരുതരമായി പരിക്കേറ്റ മംഗളദാസിനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: കോമള. മക്കൾ: മാധുരി, മഞ്ജുഷ.
