മഞ്ചേരി: കാരക്കുന്ന് ആമയൂർ റോഡിൽ വാഹനാപകടത്തിൽ വിദ്യാർഥി മരിച്ചു. കാരക്കുന്ന് -34 ഓടംകുണ്ടിൽ പത്തിരിക്കൽ വീട്ടിൽ സിദ്ദീഖിന്‍റെ മകൻ ഫാരിസാണ് (13) മരിച്ചത്. മഞ്ചേരി -നിലമ്പൂർ റോഡിൽ വെള്ളിയാഴ്ച വൈകീട്ട് 3.15ഓടെയാണ് അപകടം.സ്കൂൾ വിട്ട് സൈക്കിളിൽ വീട്ടിലേക്ക് പോകുമ്പോൾ എടവണ്ണ ഭാഗത്തുനിന്ന് മഞ്ചേരി ഭാഗത്തേക്ക് വെട്ടുകല്ലുമായി പോകുന്ന മിനി ലോറിക്ക് അടിയിൽപ്പെട്ടാണ് അപകടം. മൃതദേഹം മഞ്ചേരി മെഡിക്കൽ കോളജ് മോർച്ചറിയിലേക്ക് മാറ്റി. കാരക്കുന്ന് ഗവ. ഹയർസെക്കൻഡറി സ്കൂളിലെ എട്ടാം ക്ലാസ് വിദ്യാർഥിയാണ്. മാതാവ്: സുമയ്യ. സഹോദരി: ഫാത്തിമ ഹിബ.
