കുളമാവ്: ഒറ്റക്ക് താമസിച്ചിരുന്ന പുത്തൻപുരക്കൽ ശിവപ്രസാദിനെ (42) വീട്ടിൽ മരിച്ച നിലയിൽ കണ്ടെത്തി. ഇദ്ദേഹത്തെ രണ്ടുദിവസമായി കാണാനില്ലെന്ന് കുളമാവ് പൊലീസിൽ പരാതി ലഭിച്ചിരുന്നു. ഞായറാഴ്ച രാവിലെ പൊലീസും നാട്ടുകാരും ചേർന്ന് നടത്തിയ അന്വേഷണത്തിൽ വീട് അകത്തുനിന്ന് പൂട്ടിയതായി കണ്ടെത്തി. എസ്‌.ഐമാരായ സി.എ. സലീം, സജീവ് ബെനഡിക്ട് എന്നിവരുടെ നേതൃത്വത്തിൽ പൂട്ട് പൊളിച്ച് അകത്തു കയറിയപ്പോഴാണ് മരിച്ച നിലയിൽ കണ്ടെത്തിയത്. മൃതദേഹം ഇടുക്കി മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
