കട്ടപ്പന: സംസ്ഥാന പാതയിൽ സ്വരാജിന് സമീപം ബൈക്ക് അപകടത്തിൽ ഇരട്ടയാർ മഴുവഞ്ചേരിയിൽ തോമസി‍െൻറ മകൻ റിച്ചു (25) മരിച്ചു. കട്ടപ്പനയിലെ സ്വകാര്യ സ്ഥാപനത്തിൽ ജീവനക്കാരനായിരുന്നു. സുഹൃത്തിന്റെ വീട്ടിൽനിന്ന് തിരികെ മടങ്ങുന്നതിനിടെ ഞായറാഴ്ച ഉച്ചകഴിഞ്ഞ് നാലോടെയാണ് അപകടം. സ്വരാജ് ടൗണിന് മുമ്പുള്ള വളവിൽ റിച്ചു സഞ്ചരിച്ച ബൈക്ക് നിയന്ത്രണം നഷ്ടമായി മറിഞ്ഞു. ഈ സമയം ഇതുവഴി എത്തിയവരും സമീപവാസികളും ചേർന്ന് യുവാവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നെഞ്ചിലേറ്റ ക്ഷതമാണ് മരണകാരണമെന്നാണ് പ്രാഥമിക നിഗമനം. മാതാവ്: ജെഫി. സഹോദരി: റിയ.
