മറയൂർ: മറയൂർ-മൂന്നാർ റോഡിൽ നിയന്ത്രണം വിട്ട കാർ മറിഞ്ഞ് യുവാവ് മരിച്ചു. പാമ്പൻമല സ്വദേശിയും മറയൂരിൽ താമസക്കാരനുമായ വിജിമോനാണ് (39) മരിച്ചത്. നാച്ചിവയൽ ഫോറസ്റ്റ് സ്റ്റേഷനുസമീപം ഞായറാഴ്ച രാത്രി എട്ടോടെയാണ് അപകടം.
കാറിൽ വിജിമോ‍െൻറ സഹോദരി വനിത ഉൾപ്പെടെ നാലുപേർ ഉണ്ടായിരുന്നു. ഗുരുതര പരിക്കേറ്റ വിജിമോനെ ഉടൻ മറയൂർ സാമൂഹികാരോഗ്യ കേന്ദ്രത്തിൽ എത്തിച്ചെങ്കിലും രക്ഷിക്കാനായില്ല.
ഭാര്യ: ജോസ് മേരി. മക്കൾ: മനീഷ്, മഹി.
