ഏറ്റുമാനൂർ: എം.സി റോഡിൽ കെ.എസ്.ആർ.ടി.സി ബസ് സ്റ്റാൻഡിനുസമീപം കാറിടിച്ച് അതിരമ്പുഴ ഓമനമുക്ക് മംഗലത്ത് അടിച്ചിറയിൽ മാത്യു (68) മരിച്ചു. ഞായറാഴ്ച രാത്രി 8.45നായിരുന്നു സംഭവം. കെ.എസ്.ആർ.ടി.സി മുൻ ജീവനക്കാരനായ മാത്യു ഏറ്റുമാനൂർ കെ.എസ്.ആർ.ടി.സിക്ക് സമീപം ബേക്കറി നടത്തുകയാണ്.
റോഡരികിൽ നിന്ന മാത്യുവിനെ കോട്ടയം ഭാഗത്തേക്ക് പോയ കാറാണ് ഇടിച്ചുതെറിപ്പിച്ചത്. നാട്ടുകാർ സമീപത്തെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സി.സി.ടി.വി ദൃശ്യങ്ങൾ പരിശോധിച്ച് പൊലീസ് കാർ കണ്ടെത്തി. മാത്യുവിന്‍റെ സംസ്കാരം പിന്നീട്. ഭാര്യ: അടിച്ചിറ കൈമുണ്ടക്കാലായിൽ മേരി (തങ്കമ്മ). മക്കൾ: ഷാന്‍റി, ഷൈജു (ഇരുവരും സൗദി). മരുമക്കൾ: റെനി, ജിനു.
