കുഴൽമന്ദം: പ്രഭാത സൈക്ലിങിനിടെ അജ്ഞാതവാഹനമിടിച്ച് പരിക്കേറ്റ് ചികിത്സയിലായിരുന്നയാൾ മരിച്ചു. കണ്ണാടി ഹയർ സെക്കൻഡറി സ്കൂൾ റിട്ട. പ്രധാനാധ്യാപകൻ കിണാശേരി അനുഗ്രഹയിൽ കെ. നന്ദകുമാർ (58) ആണ് മരിച്ചത്. വ്യാഴാഴ്ച രാവിലെ ഏഴോടെ പാലക്കാട് മെഡിക്കൽ കോളജിനു മുൻവശത്തായിരുന്നു അപകടം. തലയ്ക്ക് പരിക്കേറ്റ് റോഡരികിൽ കിടന്ന ഇദ്ദേഹത്തെ അതുവഴി വന്ന ബൈക്ക് യാത്രികരാണ് കാഴ്ചപറമ്പ് സ്വകാര്യ ആശുപത്രിയിൽ എത്തിച്ചത്. തിങ്കളാഴ്ച രാവിലെയാണ് മരിച്ചത്. പോസ്റ്റ് മോർട്ടത്തിനു ശേഷം കിണാശേരിയിലെ വസതിയിൽ പൊതുദർശനത്തിന് വെച്ചശേഷം സ്വദേശമായ ചേലക്കര കിള്ളിമംഗലത്തെ വീട്ടുവളപ്പിൽ സംസ്കാരം നടത്തി. ഭാര്യ: അനുപമ (കൊല്ലങ്കോട് പി.കെ.ഡി യു.പി. സ്കൂൾ അധ്യാപിക). മക്കൾ: അജയ് (കനറാ ബാങ്ക്, മണിപ്പാൽ), ഐശ്വര്യ.
