പറവൂർ: കോളജ് കെട്ടിടത്തിന്റെ മുകളിൽനിന്ന് വീണ് പെയിന്റിങ് തൊഴിലാളി ചിറ്റാറ്റുകര തൈവെപ്പിൽ സജീവ്കുമാർ (കണ്ണൻ - 48) മരിച്ചു. ചൊവ്വാഴ്ച രാവിലെ 9.30നാണ് അപകടം. പറവൂത്തറ മാർ ഗ്രിഗോറിയസ് അബ്ദുൽ ജലീൽ ആർട്സ് ആൻഡ് സയൻസ് കോളജ് കെട്ടിടത്തിൽ പെയിന്റ് ചെയ്യുന്നതിനിടെ നാലാംനിലയിൽ നിന്നാണ് താഴേക്ക് വീണത്. ഗുരുതര പരിക്കേറ്റ ഇദ്ദേഹത്തെ പറവൂർ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം നടത്തി. ഭാര്യ: വരാപ്പുഴ തോട്ടാപ്പിള്ളി പ്രിയ. മക്കൾ: നന്ദു കൃഷ്ണ (ബിരുദ വിദ്യാർഥി, യു.സി കോളജ് ആലുവ), അലയ് കൃഷ്ണ (നാലാം ക്ലാസ് വിദ്യാർഥി).
