മൂവാറ്റുപുഴ: അപകടത്തില്‍ പരിക്കേറ്റ് ചികിത്സയിലിരുന്ന യുവാവ് മരിച്ചു. കടാതി പൊറ്റവേലിക്കുടിയില്‍ പരേതനായ കൃഷ്ണന്‍റെ മകന്‍ അനൂപാണ് (45) മരിച്ചത്. കഴിഞ്ഞ മേയ് 27ന് രാവിലെ ഏഴോടെ കടാതി വിശ്വകര്‍മ അമ്പലത്തിനുസമീപമായിരുന്നു അപകടം. ടാപ്പിങ് തൊഴിലാളിയായിരുന്ന അനൂപ് വീട്ടില്‍നിന്ന് പുറപ്പെട്ട് ദേശീയപാതയിലേക്ക് കടക്കുന്നതിനിടെ ശൗചാലയ മാലിന്യവുമായി വന്ന ടാങ്കര്‍ലോറി ഇടിക്കുകയായിരുന്നു.
കോലഞ്ചേരി മെഡിക്കല്‍ മിഷനില്‍ ചികിത്സയിലായിരുന്നു. ഭാര്യ: ആരതി. മക്കള്‍: അനുശ്രീ, ശ്രീലക്ഷ്മി (ഇരുവരും കടാതി ഗവ. എല്‍.പി.എസ് വിദ്യാര്‍ഥിനികൾ).
