കാലടി: നിർത്തിയിട്ട ലോറിക്കുപിന്നിൽ ബൈക്കിടിച്ച് യുവാവ് മരിച്ചു. മലയാറ്റൂർ ഗോതമ്പ് റോഡ് കളപ്പുരക്കൽ വീട്ടിൽ രാജുവിന്‍റെ മകൻ ശ്രീരാജ് (22) ആണ് മരിച്ചത്. വെള്ളിയാഴ്ച രാത്രി പത്തോടെ മറ്റൂർ ചെമ്പിശ്ശേരി റോഡിൽ കെ.ജി.പി എല്ലുപൊടി കമ്പിനിയുടെ മുന്നിലാണ് അപകടം നടന്നത്. അനിയൻ ശ്രീജിത്തിനെ ആശുപത്രിയിൽ കൊണ്ടുപോകുമ്പോഴാണ് അപകടം.ബൈക്ക് ഓടിച്ച ശ്രീരാജ് തൽക്ഷണം മരിച്ചു. സാരമായി പരിക്കേറ്റ ശ്രീജിത് അങ്കമാലി എൽ.എഫ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. മാതാവ്: കവിത.
