പൂച്ചാക്കൽ: ബൈക്ക് മരത്തിലിടിച്ച് യുവാവ് മരിച്ചു. തൈക്കാട്ടുശ്ശേരി പഞ്ചായത്ത് ഒമ്പതാം വാർഡ് പൊൻവയലിൽ കമലാസനന്‍റെ മകൻ അനന്തകൃഷ്ണനാണ് (23) മരിച്ചത്. ഒപ്പമുണ്ടായിരുന്ന കടക്കരപ്പള്ളി അമ്പിളി നിലയത്തിൽ ഉണ്ണികൃഷ്ണനെ (23) പരിക്കുകളോടെ ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഞായറാഴ്ച അർധരാത്രിയാണ് അപകടം. ഇവർ സഞ്ചരിച്ച ബൈക്ക് തൈക്കാട്ടുശ്ശേരി ചീരാത്തുകാടിന് സമീപം മരത്തിലിടിക്കുകയായിരുന്നു. ഇരുവരെയും ഉടൻ തുറവൂർ താലൂക്ക് ആശുപത്രിയിലെത്തിച്ചെങ്കിലും അനന്തകൃഷ്ണൻ മരിക്കുകയായിരുന്നു. മാതാവ്: ഇന്ദിര. സഹോദരി: അഞ്ജന.
