ഈരാറ്റുപേട്ട: വീടിന്റെ മേൽക്കൂരയിൽനിന്ന് താഴെവീണ് സി.പി.എം മൂന്നിലവ് ലോക്കൽ സെക്രട്ടറി മരിച്ചു. പാറശ്ശേരിയിൽ പി.ജെ. ജോർജാണ് (75) മരിച്ചത്. തിങ്കളാഴ്ച രാവിലെ 11ഓടെയായിരുന്നു സംഭവം. തൊടുപുഴയിലെ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു. ആദിവാസി ക്ഷേമസമിതി മുൻ ജില്ല സെക്രട്ടറിയും സംസ്ഥാന കമ്മിറ്റി അംഗവുമായിരുന്നു. ഭാര്യ: എരുമപ്ര ചിറ്റാനശ്ശേരിയിൽ അന്നമ്മ. മക്കൾ: സഞ്ചോ ജോർജ് (കെ.എസ്.എഫ്.ഇ മുണ്ടക്കയം), ജിതിൻ. മരുമക്കൾ: മഞ്ജുള, രഞ്ചു. മൃതദേഹം തൊടുപുഴയിലെ സ്വകാര്യ ആശുപത്രിയിൽ. സംസ്കാരം ചൊവ്വാഴ്ച എരുമപ്ര സെന്റ് പീറ്റഴ്സ് സി.എസ്.ഐ പള്ളി സെമിത്തേരിയിൽ.
