വരാപ്പുഴ: നിയന്ത്രണംവിട്ട ബൈക്ക് റോഡിലേക്ക് മറിഞ്ഞ് യുവാവ് മരിച്ചു. പുത്തൻപള്ളി ഒളനാട് സ്വദേശി പരുത്തിക്കാട്ടിൽ വീട്ടിൽ ബെന്നി-ഷീല ദമ്പതികളുടെ മകൻ ക്രിസ്റ്റി (26) ആണ് മരിച്ചത്. കാക്കനാട് നെസ്റ്റ് കമ്പനിയിൽ ജോലികഴിഞ്ഞ് ഒളനാട്ടിലെ വീട്ടിലേക്ക് വരുന്നതിനിടെ ക്രിസ്റ്റിയുടെ ബൈക്ക് പുത്തൻപള്ളി സെമിത്തേരി വളവിൽ നിയന്ത്രണംവിട്ട് മറിയുകയായിരുന്നു. റോഡിലേക്ക് തലയടിച്ചുവീണ ക്രിസ്റ്റിയെ നാട്ടുകാർ ചേർന്ന് സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. മൃതദേഹം കളമശ്ശേരി മെഡിക്കൽ കോളജിൽ. സഹോദരി: ബിനില.
