മരട്: കുണ്ടന്നൂര്‍ ഫ്ലൈ ഓവറിലുണ്ടായ വാഹനാപകടത്തില്‍ യുവാവ് മരിച്ചു. പനങ്ങാട് ഉദയത്തുംവാതില്‍ രവീന്ദ്രന്‍റെ മകന്‍ രാകേഷാണ് (33) മരിച്ചത്. തിങ്കളാഴ്ച രാത്രി 12ന് വീട്ടുകാരുമായി വഴക്കുണ്ടാക്കിയശേഷം ഇറങ്ങിപ്പോകുന്ന വഴിയാണ് അപകടമുണ്ടായതെന്ന് ബന്ധുക്കള്‍ പറയുന്നു. കുണ്ടന്നൂര്‍ ഫ്ലൈ ഓവറിനുമുകളില്‍ ഏതോ വാഹനത്തിനു പിന്നില്‍ ഇടിക്കുകയായിരുന്നു. യാത്രക്കാരിലൊരാള്‍ വിളിച്ചതനുസരിച്ച് പൊലീസ് സ്ഥലത്തെത്തി ആശുപത്രിയിലെത്തിച്ചെങ്കിലും മരിച്ചിരുന്നു. മാതാവ്: ഓമന. സഹോദരി: രമ്യ.
