അങ്കമാലി: ദേശീയപാതയിൽ കരയാംപറമ്പ് ഭാഗത്ത് അജ്ഞാത വാഹനമിടിച്ച് മരിച്ചയാളെ തിരിച്ചറിഞ്ഞിട്ടില്ല. ചൊവ്വാഴ്ച പുലർച്ച 4.30ഓടെയായിരുന്നു മരിച്ചനിലയിൽ കണ്ടെത്തിയത്. വഴിയാത്രക്കാർ അറിയിച്ചപ്രകാരം അങ്കമാലി പൊലീസ് എത്തി മൃതദേഹം അങ്കമാലി എൽ.എഫ് ആശുപത്രിയിലേക്ക് മാറ്റി. ഏകദേശം 40 വയസ്സുണ്ട്. ചുവന്ന ഷർട്ടും ജീൻസ് പാന്‍റ്സുമാണ് വേഷം. അരയിൽ തുണി കെട്ടിയ നിലയിലായിരുന്നു. മൃതദേഹം തിരിച്ചറിയുന്നവർ അങ്കമാലി പൊലീസ് സ്റ്റേഷനിൽ വിവരം അറിയിക്കണം. 0484-2452328, 9495157589.
