ചേർപ്പ്: സി.എൻ.എൻ സ്കൂളിനുസമീപം കാറിടിച്ച് വയോധികൻ മരിച്ചു. വെള്ളാങ്ങല്ലൂർ പൈങ്ങോട് പോലത്ത് വേലായുധനാണ് (72) മരിച്ചത്. വെള്ളിയാഴ്ച രാത്രി 11ഓടെയായിരുന്നു അപകടം. വാഹനം ഇടിച്ച് റോഡരികിൽ കിടക്കുന്നതായി നാട്ടുകാർ പൊലീസ് സ്റ്റേഷനിൽ അറിയിച്ചതിനെ തുടർന്ന് ചേർപ്പ് പൊലീസ് എത്തിയാണ് ജില്ല ആശുപത്രിയിൽ ഇദ്ദേഹത്തെ പ്രവേശിപ്പിച്ചത്. ആശുപത്രിയിൽ എത്തിച്ചപ്പോഴേക്കും മരിച്ചിരുന്നു. ഇടിച്ച കാർ പൊലീസ് പിന്നീട് കണ്ടെത്തി. ഭാര്യ: സരോജിനി. മക്കൾ: മുകേഷ്, സവിത. സംസ്കാരം ഞായറാഴ്ച.
