ഇരിങ്ങാലക്കുട: തിരുവനന്തപുരം ശ്രീപത്മനാഭ സ്വാമി ക്ഷേത്ര പ്രതിനിധിയും ഇരിങ്ങാലക്കുട കൂടൽമാണിക്യം ക്ഷേത്ര ദേവസ്വം മാനേജിങ് കമ്മിറ്റി അംഗവും തന്ത്രി പ്രമുഖനുമായ എൻ.പി. പരമേശ്വരൻ നമ്പൂതിരിപ്പാട് (72) നിര്യാതനായി. 100ൽപരം ക്ഷേത്രങ്ങളിലെ തന്ത്രി ആയിരുന്നു. നെടുമ്പിള്ളി തരണനല്ലൂർ ഇല്ലത്തെ ഇപ്പോഴത്തെ കാരണവർ ആയിരുന്നു. കൂടൽമാണിക്യം ദേവസ്വം മാനേജിങ് കമ്മിറ്റിയിൽ രണ്ടുതവണ തന്ത്രി പ്രതിനിധി ആയിരുന്നു. ഉണ്ണായി വാരിയർ കലാനിലയം, തരണനല്ലൂർ നമ്പൂതിരീസ് കോളജ് എന്നിവിടങ്ങളിൽ അധ്യാപകനായി സേവനം അനുഷ്ഠിച്ചിട്ടുണ്ട്. ഭാര്യ: പ്രസന്ന അന്തർജനം. മക്കൾ: പ്രമോദ്‌, ശ്രീദേവി. മരുമക്കൾ: അശ്വതി, ശ്രീജിത്ത്‌ കുമാർ.
