മണ്ണാര്‍ക്കാട്: കോട്ടോപ്പാടം കണ്ടമംഗലം സ്വദേശി ചള്ളപ്പുറത്ത് രാജന്റെ മകന്‍ സജിനെ (27) കുന്തിപ്പുഴയില്‍ മരിച്ചനിലയിൽ കണ്ടെത്തി.വെള്ളിയാഴ്ച രാത്രി മുതല്‍ യുവാവിനെ കാണാതായിരുന്നു. സഹോദരന്‍ പൊലീസില്‍ പരാതി നല്‍കിയതിന്റെ അടിസ്ഥാനത്തില്‍ നടത്തിയ അന്വേഷണത്തില്‍ ബൈക്കും വസ്ത്രങ്ങളും കുന്തിപ്പുഴ പോത്തോഴിക്കാവ് തടയണക്ക് സമീപം കണ്ടെത്തുകയായിരുന്നു.അഗ്നിരക്ഷ സേന, സ്‌കൂബ സംഘം, സിവില്‍ ഡിഫന്‍സ്, ഐ.എ.ജി പ്രവര്‍ത്തകര്‍, നാട്ടുകാര്‍ എന്നിവരുടെ നേതൃത്വത്തില്‍ ഉച്ചക്ക് മുതല്‍ വൈകീട്ട് വരെ പോത്തോഴിക്കാട് കടവില്‍ തിരച്ചില്‍ നടത്തിയെങ്കിലും കണ്ടെത്താനായില്ല. ഞായറാഴ്ച രാവിലെ അഗ്നിരക്ഷാ സേനയുടെ നേതൃത്വത്തില്‍ തിരച്ചില്‍ നടത്തുന്നതിനിടെ ഒമ്പതരയോടെയാണ് പോത്തോഴിക്കാട് കടവിന് സമീപത്തായി നാട്ടുകാര്‍ മൃതദേഹം കണ്ടത്. സജിന്റെ മാതാവ്: പത്മിനി. സഹോദരന്‍: ബിജു.
