കുടമാളൂര്‍: കവിയും സാഹിത്യകാരനുമായ കരികുളങ്ങര രാജ് ഭവനില്‍ മങ്കൊമ്പ് രാജപ്പന്‍ (റിട്ട. മലിനീകരണ നിയന്ത്രണ ബോർഡ് -65) നിര്യാതനായി. കുട്ടനാട് മങ്കൊമ്പ് തെക്കേക്കര കോയിപ്പള്ളി കുടുംബാംഗമാണ്. കവിത മത്സരങ്ങളില്‍ സംസ്ഥാന, അഖിലേന്ത്യ തലങ്ങളില്‍ ഒട്ടേറെ പുരസ്കാരം നേടിയിട്ടുണ്ട്. 1991ൽ അമ്പലപ്പുഴ കുഞ്ചൻ നമ്പ്യാർ സ്മാരക പുരസ്കാരം, 1994ല്‍ രാമു കാര്യാട്ട് സാംസ്കാരിക വേദിയുടെ പ്രബന്ധ മത്സര പുരസ്കാരം, 2005ല്‍ അമ്പലപ്പുഴ ഡ്രാമാറ്റിക് സെന്ററിന്റെ കവിത പുരസ്കാരം തുടങ്ങിയവ ലഭിച്ചു. റേഡിയോ നാടകങ്ങള്‍ ആകാശവാണി തിരുവനന്തപുരം നിലയം പ്രക്ഷേപണം ചെയ്തിട്ടുണ്ട്. ഭാര്യ: പി.എം. സുഷമ (ഗാർണിയർ ബ്യൂട്ടി കെയര്‍, കുടമാളൂര്‍). മക്കൾ: പൗർണമി രാജ്, പ്രണവ് രാജ്. മരുമകന്‍: എസ്. രഞ്ജിത് (കുവൈത്ത്). സംസ്കാരം തിങ്കളാഴ്ച 11ന് വീട്ടുവളപ്പില്‍.
